Ligazóns de interese > PUBLICACIÓNS E REVISTAS

Altermundo é un espazo creado para achegar ese outro mundo posíbel á comunidade galegofalante da rede. É un cornecho de reflexión que, dende Galiza, ábrese aos que andan na procura dunha globalización alternativa ao neoliberalismo. É, xa que logo, coñecemento, debate, rebelión e Terra.

Este dicionario on line permite o acceso aos contidos das distintas entradas do Dicionario de Acción Humanitaria e Cooperación ao Desenvolvemento. Constitúe unha ferramenta práctica de consulta e de estudo, de gran claridade divulgativa pero con rigor académico

É unha axencia de novas que naceu para levar a axenda social latinoamericana e caribeña á media internacional. Quere estimular un xornalismo ético e social. Quere favorecer a integración e a solidariedade entre os pobos

Afrol News é unha axencia de prensa, fundada no ano 2000 e adicada exclusivamente ao subministro de información sobre África

A Axencia Latinoamericana de Información -ALAI- é un organismo de comunicación comprometido coa vixencia dos dereitos humanos, a igualdade de xénero e a participación no desenvolvemento e traballo público de América Latina. O seu accionar inscríbese na loita pola democratización da comunicación, como condición básica da vida democrática e a xustiza social

A Asociación Latinoamericana de Organizacións de Promoción ao Desenvolvemento , ALOP, é unha asociación de organizacións non gobernamentais de desenvolvemento, de vinte países de América Latina e Caribe. Creada en 1979, constitúe un dos esforzos máis duradeiros de integración rexional entre ONGD da rexión.

Ciranda nace en 2001 como iniciativa de colaboración entre medios e columnistas independentes. É un concepto xurdido no primeiro FSM, como a primeira proposta de "comunicación compartida". É un lugar de convivencia e acción entre xornalistas e comunicadores/ás sociais que participan do universo do Foro. Dende entón foi un espazo de diálogo común e estimulador de novas experiencias compartidas.

Con este proxecto téntase establecer unha plataforma audio-visual que acade os obxectivos seguintes: permitir a outros medios cobrer a información xerada pola sociedade civil organizada no mundo, que utilizaría esta ferramenta nova para producir a información libre e non conforme ao copyright.

Cos Pés na Terra é unha revista electrónica para a información, a reflexión e o debate sobre medio ambiente e sustentabilidade

Publicación do Centre de Recerca i Informació en Consum (CRIC) que ten por obxectivo principal o ofrecer unha ferramenta útil para a práctica do consumo consciente (consumo responsable).