Registro de cooperantes

Ligazóns de interese > CAMPAÑAS

Obxectivos de Desenvolvemento do Milenio

Obxectivos de Desenvolvemento do Milenio

1 de 200

Implicadas no Desenvolvemento organiza a campaña 1 de 200 para erradicar o infanticidio feminino en Salem, na India, onde existe a crenza de que as fillas teñen menos valor que os fillos homes. A idea é que 200 persoas se asocien á organización dende agora ata o remate do mes de xuño.

1.000.000.000 persoas con fame

Campaña de presión aos políticos para poñer fin á fame. Para asinar a petición e promover a acción esteas onde esteas.

Campaña por unha axuda española transparente e eficaz

Os cidadáns españois estamos facendo un esforzo económico importante por cooperar, principalmente a través das nosas administracións públicas. No entanto, co sistema de seguimento actual da axuda, opaco e cun control exclusivo de gastos e actividades, cada vez estase cuestionando máis a eficacia que ten a nosa axuda para mellorar de forma sostible as condicións de vida dos cidadáns dos países pobres.

 

Dereito á Alimentación. Urxente

Prosalus, Axuda en Acción, Cáritas Española, Veterinarios sen Fronteiras e Enxeñaría sen Fronteiras promoven esta campaña para que os máis de 850 millóns de seres humanos, a maioría habitantes de países en desenvolvemento e traballadores e traballadoras do medio rural, que sofren fame e desnutrición e non teñen acceso aos recursos necesarios para producir os alimentos que necesitan poidan levar unha vida plena e digna.

Inviste no Ser Humano

The Humans Group é un grupo ficticio creado pola Coordinadora ONG para o Desenvolvemento España, que chama a atención dunha sociedade que privilexia ás economías máis poderosas e pecha os ollos ás desigualdades que existen no mundo. A iniciativa ten como obxectivo cambiar a forma de investir das persoas, animándoas a investir o seu tempo e diñeiro en favor do ser humano, tal e como fan a diario miles de persoas nos centos de ONG de desenvolvemento. Porque as persoas deben ser o primeiro.

Pobreza Cero

Pobreza Cero é unha campaña estatal, organizada pola Coordinadora de ONG para o Desenvolvemento España, que pretende implicar a todos os sectores da sociedade civil na loita contra a pobreza dunha forma urxente, definitiva e eficaz.

Urxe outra Europa

Seguimos falando de pobreza ou erradicámola? A Coordinadora de ONG para o Desenvolvemento- España como representante da sociedade civil e actores directos da cooperación internacional demanda a súa participación no deseño das políticas públicas de desenvolvemento, ao tempo que esixe que se cumpran os compromisos asumidos polos gobernos na loita contra a pobreza mundial.

Dereitos para as persoas, regras para os negocios

Dereitos para as persoas, regras para os negocios é unha iniciativa de carácter internacional posta en marcha pola European Coalition for Corporate Justice, unha coalición da que forman parte máis de 250 organizacións da sociedade civil de toda Europa. É unha campaña informativa e de ciberacción para lograr adoptar os acordos lexislativos necesarios para que na Unión Europea se melloren a actuación das empresas europeas ao longo das súas cadeas de subministracións.

Quen debe a quen?- Campaña pola abolición da Débeda Externa

A campaña Quen debe a quen? identifícase coas mobilizacións sociais en todo o planeta que están marcadas polo rexeitamento aos valores económicos e políticos globalizados así como ás consecuencias derivadas do modelo da globalización.


1   2   >   >>>