LEI 3/2003, do 19 de xuño, de cooperación para o desenvolvemento (DOG 128, Xoves 3 de xullo de 2003)

A Lei 3/2003 do 19 de xuño de Cooperación ao Desenvolvemento, xorde coma un dos primeiros desenvolvementos lexislativos realizados nas Comunidades Autónomas na materia de referencia, establecendo coma propósitos:

1. Apoiar aos países con menor grao de desenvolvemento ou en extrema situación de necesidade e desnutrición.
2. Potenciar os recursos humanos e materiais, con especial atención ás novas tecnoloxías.
3. Contribuír á xustiza e á equidade nas relacións comerciais, políticas e estratéxicas.
4. Atender as situacións de emerxencia.
5. Impulsar e promover a participación social e cidadá, fomentar a educación para o desenvolvemento e a sensibilización da sociedade.
6. Promover a sensibilización das institucións (ata acadar o mínimo ético da asignación do 0,7% dos recursos orzamentarios).

Definindo coma posibles Axentes da Cooperación para o Desenvolvemento:

• Administración autonómica e entidades locais.
• ONGD.
• Universidades.
• Empresas ou organizacións empresariais.
• Sindicatos.
• Comunidades Galegas no exterior.
• Outros axentes sociais que teñan entre os seus fins os da Cooperación para o Desenvolvemento.

E apoiándose nos seguintes órganos de coordinación e asesoramento:

• Comisión Interterritorial de Cooperación para o Desenvolvemento (CINTERCODE).
• Comisión Interdepartamental de Cooperación para o Desenvolvemento (CINCODE).
• Consello Galego de Cooperación para o Desenvolvemento (CONGACODE).
  

Lei de Cooperacion Galega