O “Ano do xénero”é un proxecto de  educación para o desenvolvemento presentado por Implicadas no desenvolvemento. Esta organización traballa na xestión de proxectos de sensibilización e na acción política. Ten desenvolvidos tres proxectos na India para erradicar o infanticidio e dous en Etiopía.

Persoas destinatarias
Prioritariamente, todo o profesorado e o alumnado de Educación Primaria, Secundaria e Bacharelato da Comunidade Educativa.

Obxectivos
Promover unha reflexión e acción crítica na cidadanía galega en torno ás interaccións de xénero e pobreza, aumentando a súa implicación no traballo feito en cooperación dende a perspectiva de xénero.

Actividades
A ONG leva a cabo múltiples actividades como clubs de lectura, cursos de formación, exposicións, realización do libro O Son das Buguinas, o Camiño da Auga ou a Noite da música e da palabra solidaria. O tendal con tarxetas para a escrita solidaria, sobre o texto xénero e pobreza.

Todas as accións a desenvolver no ano 2009 están destinadas á concienciación do xénero. Especialmente dirixido á comunidade docente é o seu ciclo itinerante de conferencias en Galicia, España, Etiopía e India para tratar a igualdade de xénero como base para a paz entre outras posibilidades.

Se queres consultar ou saber algo máis sobre estas actividades podes contactar con info@implicadas.org

“Formación da sociedade galega nos dereitos sexuais e reprodutivos” é un proxecto da ONG Paz y desarrollo. Esta ONG xorde en 1991 e ata o momento, ten desenvolvidos múltiples proxectos en Bolivia, Cuba, Marrocos, Paraguai, El Salvador, Guatemala, Nicaragua, Ecuador, Senegal, Timor, Vietnam, Guinea Bissau e Senegal.

Actualmente traballan sobre a vulnerabilidade dos países empobrecidos e sobre os dereitos sexuais e reprodutivos, co obxectivo e o desexo de contribuír de maneira activa ao cambio social e a redución de desigualdades Norte/Sur, fomentando a creación dunha conciencia solidaria e equitativa na nosa sociedade.

A páxina web www.pazydesarrollo.org/galego dá cumprida información sobre as distintas accións que desenvolve esta ONG.

Persoas destinatarias
Rapaces e rapazas de Educación Secundaria Obrigatoria e de Bacharelato, así como do seu profesorado.

Obxectivos

1. Contribuír á redución de desigualdades entre mulleres e homes e norte/sur.
2. Sensibilizar á sociedade galega no ámbito da saúde e os dereitos sexuais e reprodutivos para contribuír á redución da desigualdade entre homes e mulleres e norte/sur.

Actividades

• Realización de catro cursos, de setembro de 2008 a xaneiro de 2009 e vinte obradoiros formativos.
• Deseño dun CD cos materiais desta temática.
• Posta en marcha en dous cidades galegas da exposición fotográfica “Cara a Cara” da Asociación galega de planificación familiar e sexualidade.
• Realización da exposición “10 anos loitando contra a explotación sexual”.
• Realización e distribución de dípticos e paneis temáticos.

Se queres consultar ou saber algo máis sobre estas actividades podes contactar con galicia@pazydesarrollo.org

Estatisticas Instituto da muller

Ficha Federeción Planificación Familiar España

Memoria 2006 da ONG

Guía metodolóxica

“Esiximos xustiza” é un proxecto presentado por Intermón Oxfam, ONG que leva máis de vinte anos realizando propostas para o profesorado e para as educadoras e educadores no ámbito da formación formal e a non formal sobre a transmisión dos valores de xustiza, solidariedade e paz. Este proxecto ten cabida a través do seu plan estratéxico 2007-2017, no que teñen cabida todas as súas actuacións nos ámbitos da cooperación, axuda humanitaria e emerxencias, comercio xusto e sensibilización.
A páxina web da organización é www.intermonoxfam.org; ao mesmo tempo, cómpre dicir que pode accederse a información concreta dalgunhas das súas accións en páxinas específicas, como é o caso de www.conectandomundos.org, ou a web do Festival de Curtas, www.intermonoxfam.org/cortosactua.

Persoas destinatarias
Mocidade galega en xeral, tanto estudantes como profesionais en activo ou en paro.

Obxectivos

1. Sensibilizar á sociedade galega sobre a importancia de conseguir que todas as persoas podan exercer plenamente os seus dereitos fundamentais para poñer fin á inxustiza e a pobreza.
2. Actuar directamente coa poboación galega que permita promover a solidariedade activa e consciente, e que fomente a cooperación cos colectivos máis desfavorecidos.
3. Implicar á comunidade educativa, voluntariado e cidadanía na construción dun mundo máis xusto mediante actividades de formación e participación cidadá en torno ás campañas de divulgación sobre a realidade do Sur.

Actividades

• Celebración da Xornada Solidaria Un día para a esperanza, que terá lugar en abril de 2009.
• Realización de catro conferencias que versarán sobre Cambio Climático e Mocidade.
• Accións de campañas sobre distintas temáticas nas rúas.
• 3ª edición do Festival Internacional de Curtametraxes Actua.
• Participación nos Festivais de verano de Galicia.
• Realización da plataforma virtual Conectando mundos, que estará activa ata maio de 2009.
• Distribución da proposta educativa “Educar para unha cidadanía global”, no primeiro trimestre do curso académico 2008-2009.
• Realización do Foro virtual Conectando Mundos, www.conectandomundos.org.
• Conferencias-coloquio Visitas do Sur, que se celebrará en outubro de 2008.

Se queres consultar ou saber algo máis sobre estas actividades podes contactar con jlquintela@intermonoxfam.org

Documentación do Festival de Cortometraxes

Actividades e logros das campañas

Foro virtual conectando mundos

Proposta educativa 2007-2008

Plan estratéxico

A ONG InteRed Galicia presenta na actual convocatoria a edición décimo cuarta do Curso Obradorio de Formación do voluntariado “Interdependencia Solidaria”, que esta ONG desenvolve desde hai anos, centrando a súa actuación na realización de proxectos socioeducativos tanto no Norte como no Sur para colaborar na transformación da realidade socioeconómica actual, tendo como eixe vertebrado a perspectiva de xénero. A liña de intervención principal na que se enmarca o traballo desta organización  nos países situados na área de Cooperación Internacional é a de educación, capacitación e formación básica.
Poden consultarse todas as accións desta ONG na súa páxina web www.intered.org.

Persoas destinatarias
Mocidade en xeral e estudantes galegos, preferentemente universitarios.

Obxectivos

1. Favorecer a reflexión crítica sobre as causas da desigualdade mundial e a relación de interdependencia entre as sociedades.
2. Promover o voluntariado e a participación da mocidade para colaborar en proxectos de desenvolvemento no Sur  e como axentes de transformación e de educación para o desenvolvemento no Norte a través da capacitación da xente nova.

Actividades

Realización dun curso-obradoiro en Santiago de Compostela, que consta de sete sesións de oito horas cada unha. Nos diferentes módulos nos que está dividido o curso, destacan o de xogos cooperativos, voluntariado e mundialización. A matrícula neste curso pode realizarse no mes de setembro de 2008. Este curso proxéctase en dous ámbitos: de educación para o desenvolvemento en países do Norte e de desenvolvemento para países do Sur.

O curso é pois unha primeira fase dun proceso que implica dúas máis: a colaboración en proxectos de cooperación en países empobrecidos e a colaboración en proxectos de educación para o desenvolvemento na realidade local na que se realiza o curso-obradoiro.

Se queres consultar ou saber algo máis sobre estas actividades podes contactar con galicia@intered.org

Revista Informa

“Educa para o desenvolvemento con UNICEF Galicia” é un proxecto presentado por UNICEF Galicia, organización que leva traballando en Galicia desde 1977. Entre as moitas accións que está a levar a cabo esta ONG coa axuda da Dirección Xeral de Cooperación Exterior é especialmente salientable a consecución dun proxecto de protección á infancia na Casamance, en Senegal. Este proxecto é un paso máis nesa estratexia de sensibilización destinada ao profesorado galego, iniciada en 2006.
Toda a información sobre as actividades e estratexias que esta ONG desenvolve nos distintos ámbitos pode consultarse a través da súa páxina web www.unicef.es. Así mesmo, algunhas accións específicas poden verse no espazo web www.enredate.org, páxina desenvolvida como ferramenta de acción.

Persoas destinatarias
Todo o profesorado e o alumnado de educación primaria e de educación secundaria de Galicia.

Obxectivos

1. Sensibilizar á poboación galega respecto á necesidade de investir na educación tanto do Norte como do Sur como elemento clave para provocar un cambio na situación da infancia e nas desigualdades Norte/Sur.
2. Fomentar a educación para o desenvolvemento como arma máis útil de cambio, para axudar na consecución dunha poboación galega sensibilizada e concienciada.

Actividades

• Edición e distribución dun manual de sensibilización baseado nos conceptos claves da Educación para o Desenvolvemento.
• Servizo de Asesoría e apoio on-line para que se poda continuar o traballo nas aulas ou na educación non formal.
• Curso de formación para o profesorado e persoas monitoras.

Se queres consultar ou saber algo máis sobre estas actividades podes contactar con galicia@unicef.es

Dossier de Prensa da ONG

Memoria da ONG

“Xogos dos Andes” é unha campaña para o fomento da Interculturalidade presentado pola ONG Solidariedade Internacional de Galicia. Este proxecto parte do coñecemento dos Xogos no ámbito andino como un primeiro paso de acrecentamento da interculturalidade, xa que esta ONG considera moi importante traballala desde unha óptica moi ampla, para fomentar un maior coñecemento entre os pobos, e desenvolver así valores e actitudes que promovan unha mellor convivencia. Contos do mundo  é unha acción destinada ao alumnado de Educación primaria na que a protagonista, unha nena, conta a súa experiencia como filla de cooperantes a través das lendas populares de diferentes partes do mundo. Agora, xogos do mundo pretende seguir esa andaina.
Toda a información sobre esta ONG pode ser consultada na súa páxina web www.solidaridadgalicia.org.

Persoas destinatarias
Alumnado en xeral e, preferentemente, escolares de educación infantil e primaria da nosa comunidade autónoma.

Obxectivos

1. Traballar a interculturalidade a través do xogo para fomentar un maior coñecemento entre os pobos e desenvolver valores e actitudes que promovan unha maior conviencia.
2. Fomentar a interculturalidade, dando a coñecer aspectos doutras culturas dunha forma lúdica, para tratar de erradicar futuros comportamentos racistas, xenófobos e etnocentristas.
3. Informar sobre o que estes pobos están a sufrir e sobre as súas causas, incorporando á estrutura mental da persoa valores como a tolerancia, o respecto á diversidade e o enriquecemento mútuo proporcionado pola posta en valor das diferenzas.

Actividades

• Elaboración de guías didácticas para o profesorado e materiais.
• Impartición de obradoiros.
• Entrega de material a cada alumno e alumna.
• Realización dunha xincana multicultural con catro centros participantes na campaña.

Se queres consultar ou saber algo máis sobre estas actividades podes contactar con sensibilizacion@solidaridadgalicia.org

“A loita pola erradicación da pobreza: formando e sensibilizando en xénero e desenvolvemento” é un proxecto da ONG Ayuda en acción, organización non gobernamental que traballa desde 1981 para mellorar as condicións de vida de miles de nenos e nenas e das súas familias. En todas as súas accións, identifícase a perspectiva de xénero como eixe transversal nas estratexias de cooperación para o desenvolvemento e, polo tanto, como unha dimensión prioritaria no labor da organización.
Desde o ano 2007, Ayuda en Acción forma parte da directiva da Coordinadora Galega de ONG e tamén, como membro fundador, do seu Grupo de Xénero.
A información xeral sobre esta ONG está dispoñible na web www.ayudaenaccion.org.

Persoas destinatarias
Toda a sociedade galega, preferentemente do seu ámbito rural e na medida do posible, a nicaragüense e a mozambiqueña.

Obxectivos desde proxecto

1. Formar, sensibilizar e alertar sobre a desigualdade de xénero, prestando especial atención ás causas que orixinan a feminización da pobreza e ao papel das mulleres nos procesos de desenvolvemento en distintos contextos xeográficos.
2. Establecer e/ou consolidar alianzas entre organizacións de mulleres do Norte e do Sur.
3. Sensibilizar á poboación do rural galego sobre a desigualdade de xénero, as súas causas e posibles solucións, xerando unha conciencia social favorable na loita pola igualdade de homes e mulleres.

Para a consecución destes obxectivos, o proxecto aséntase en dous tipos de actuacións estreitamente relacionadas: o establecemento e/ou consolidación de vínculos solidarios entre organizacións de mulleres e a formación e sensibilización de escolares e públicos en xeral da comunidade autónoma galega nas causas que orixinan a devandita feminización da pobreza.

Actividades

• Encontros e/ou comunicacións entre as organizacións de mulleres para o intercambio de experiencias, que se desenvolverán ata o mes de novembro de 2008.
• Encontro internacional de mulleres rurais, a celebrar en torno ao 15 de outubro en Ourense.
• Deseño e edición do número 2 da revista dos Vínculos Solidarios para o mes de novembro de 2008.
• Charlas e/ou sesións informativas no rural.

Se queres consultar ou saber algo máis sobre estas actividades podes contactar con agarcia@galicia.ayudaenaccion.org

Memoria 2006

Política de empoderamiento

Politica de igualdad de género

Propuesta de intervención

Sabes como viven as mulleres

“A Campaña educativa pola dignificación dos dereitos laborais” é un proxecto presentado pola ONG Solidariedade Internacional de Galicia. Esta ONG non gubernamental, de carácter laico, promove a xustiza social a través de proxectos de cooperación internacional, da axuda humanitaria e de emerxencia, da educación para o desenvolvemento, da sensibilización e do comercio xusto, entre outras accións.
As súas accións e compromisos están recollidas na páxina web da organización www.solidaridadgalicia.org.

Persoas destinatarias
Moitas das súas accións están destinadas á poboación xeral, especialmente, á rural.
Este proxecto presta unha especial atención aos centros educativos das zonas rurais de Galicia.

Obxectivos xerais

1. Promover campañas de sensibilización e educación para o desenvolvemento entre a sociedade galega.
2. Achegar dunha forma concreta aos centros educativos as consecuencias directas que ten o actual sistema de comercio sobre as poboacións mais desfavorecidas do planeta.
3. Realización de actividades culturais e de promoción sociocultural que contribúan á comprensión na nosa comunidade autónoma da pluralidade cultural do mundo.
4. Informar e formar á xente nova acerca da realidade dos países en vías de desenvolvemento e dos Obxectivos do Milenio, prestando especial atención á situación laboral dos países empobrecidos.

A partir destes obxectivos, que a ONG ten como núcleo da súa acción, desenvólvense outros de carácter mais específico:

1. Traballar co profesorado e alumnado dos centros de educación secundaria sobre a situación laboral de milleiros de persoas no Sur.
2. Promover actitudes comprometidas cos dereitos laborais dos traballadores/as do Sur.

Actividades

• Realización de materiais didácticos e guías didácticas para o profesorado
• Edición dun xornal feito por escolares
• Conferencias
• Charlas-coloquio
• Obradoiros

Se queres consultar ou saber algo máis sobre estas actividades podes contactar con sensibilizacion@solidaridadgalicia.org