A Fundación Jóvenes y Desarrollo traballa a sensibilización, a educación para o desenvolvemento e a cooperación concedendo grande importancia á educación coma ferramenta de transformación das situacións e realidades de nenos, mozos e mulleres dos países menos desenvolvidos, e como ferramenta para a sensibilización das sociedades do norte.

Esta campaña de Educación para o Desenvolvemento "O prometido é Débeda" é a continuación das dúas anteriores que tratan tanto os Obxectivos Do Milenio (ODM), coma a realidade das mulleres a partir do Obxectivo nº3 da Declaración do Milenio: concienciar e sensibilizar sobre o comercio xusto e o consumo responsable.

Máis información sobre esta ONGD e as súas actividades en www.ventanalmundo.com e www.jovenestercermundo.org/

Persoas destinatarias

• Directamente, o profesorado e alumnado dos colexios de educación regrada colaboradores do proxecto, e educadores e rapaces participantes nas actividades de centro xuvenís e de tempo libre.
• En segundo termo, pais e nais do alumnado e persoas que se acheguen as mesas informativas de Jóvenes y Desarrollo.

Obxectivos

1. Motivar a participación cidadá, a implicación social e a conciencia democrática dos cidadáns de Galicia, principalmente aos máis novos en idade escolar, a través do seu compromiso activo coa consecución dos obxectivos de Desenvolvemento do Milenio.
2. Sensibilizar aos escolares, profesores e educadores sobre as relacións comerciais, económicas e de cooperación entre países e a actuación cotiá.

Actividades

• Realización de materiais didácticos para infantil, primaria e secundaria-bacharelato e os paneis da exposición, os cadernos de material, propostas complementarias durante xaneiro e febreiro de 2009.
• Presentación da campaña aos centros educativos galegos interesados, a través de charlas, visitas á exposición e traballo nas aulas desde xaneiro de 2009 a marzo 2010.
• Recompilación de información a través dos cuestionarios a alumnos e profesores despois das diferentes actividades (xaneiro 2009 - maio 2010)
• Presentación da campaña aos medios de comunicación e á sociedade, de marzo 2009 a xaneiro 2010.
• Dar a coñecer, durante a realización nos colexios e demais lugares, a páxina web www.ventanalmundo.com (xaneiro 2009 - maio 2010)
• Presentación en centros socioculturais e áreas comerciais, para achegar a campaña á sociedade galega en xeral, a través de semanas de sensibilización en cada un dos lugares nos que se solicita a realización da campaña (febreiro 2009 - maio 2010)

Contactar con esta ONGD a través de jtm.galicia@jovenestercermundo.org

A ONG Veterinarios Sen Fronteiras - Vetermón, desde a súa constitución en 1987, desenvolve un amplo labor solidario e en 2004 adoptou como paradigma de traballo a Soberanía Alimentaria, concepto definido pola Vía Campesiña, entidade na que se agrupan organizacións labregas de todo o mundo.

O proxecto "a Crise Alimentaria: Consumo, Produción, Políticas e Cooperación" trata de desenvolver a promoción da agricultura campesiña e a soberanía alimentaria, iniciativas que integren liñas de acción no eido da cooperación, educación para o desenvolvemento e a incidencia política, o apoio das Alianzas rurais e traballo en rede tanto no internacional como no local, tanto no Norte como no Sur.

Toda a información xeral sobre o traballo que desenvolve esta organización pode consultarse no enderezo electrónico www.veterinariossinfronteras.org

Persoas destinatarias

• O público obxectivo final é a cidadanía galega en xeral, e en especial aquelas persoas relacionadas coa profesión veterinaria, co mundo rural, coa produción de alimentos, co consumo responsábel e coa defensa da soberanía alimentaria dos pobos.

Obxectivos

1. Conseguir un cambio social en Galicia a favor da Soberanía alimentaria dos Pobos como novo paradigma para a loita contra o pobreza.
2. Difundir en Galicia as consecuencias do modelo agroindustrial para as poboacións rurais de países empobrecidos a través de dous exemplos: políticas (TLC) e consumo (monocultivos de soia)

Actividades

• Desenvolvemento dunha campaña de información sobre os impactos dos TLC en África Central. Abril 2009 - xullo 2009
• Desenvolvemento da campaña "Vacas Libres de Soia", de información sobre os impactos dos monocultivos de soia en países empobrecidos, promoción do consumo responsábel e difusión de modos alternativos de produción como os desenvolvidos en proxectos de VSF en Caribe financiados pola Cooperación Galega. Novembro 2009 - abril 2010.

Consulta e máis información sobre estas actividades contactando con vsfgalicia@galiciasolidaria.org e galicia@veterinariossinfronteras.org

A Fundación Taller de Solidaridad desde a súa constitución no ano 2001 pretende contribuír a un mundo estructuralmente máis xusto por medio de proxectos sociais e de cooperación para o desenvolvemento, de sensibilización, educación en valores e promoción do voluntariado.

O proxecto "Apoio a actividades da Campaña ' Tu Turno, Mi turno, consumo responsable' " continúa a campaña iniciada en 2006 para sensibilizar sobre o consumo responsable, agora coa realización de obradoiros de solidariedade.

Toda a información desta ONG atópase na súa web www.tallerdesolidaridad.org

Persoas destinatarias

• O proxecto vai dirixido en primeiro lugar aos nenos de ensinanza secundaria e formación profesional de centros educativos de toda Galicia e á poboación en xeral.

Obxectivos

1. Fomentar en Galicia as experiencias de Consumo Responsable.
2. Promover o uso de bolsas reutilizábeis .
3. Coñecidas experiencias produtivas de comercio xusto de Filipinas, Perú e Arxentina que promocionan o consumo responsable en centros educativos de secundaria a través dun vídeo-reportaxe.

Actividades

• Adaptar o deseño, fabricación das bolsas, importación desde Filipinas. Xuño - outubro 2009.
• Accións de Troco de bolsas. Novembro 2009 - xaneiro 2010.
• Redacción do guión da reportaxe. Xuño - xullo 2009.
• Gravación do material bruto audiovisual en Perú, Filipinas e Arxentina ou Chile. Agosto - outubro 2009.
• Redacción e edición da ficha didáctica. Outubro - novembro 2009.
• Envío dos DVD coa reportaxe a centros de ensinanza secundaria. Xaneiro 2010.
• Presentacións directas en 15 centros de secundaria. Xaneiro - febreiro 2010.
• Envío dos DVD a televisións locais galegas e contactos. Xaneiro - marzo 2010.

Máis información sobre estas actividades en coordinacion@tallerdesolidaridad.org e nos portais www.tuturnomiturno.org e http://portaleducativo.tuturnomiturno.org/

A Cova da Terra é unha asociación cultural de cooperación e desenvolvemento fundada en Lugo en 1995 para sensibilizar á poboación galega sobre a necesidade de desenvolver un comercio xusto no marco dunha economía alternativa, e os temas relacionados co consumo responsable, o comercio xusto, a relación co medio ambiente e as/os produtores e consumidores, a economía internacional e as súas alternativas.

A Cova da Terra colabora no sostemento do Centro de Recursos Kandaharia, que ofrece unha gran cantidade de materiais educativos e recursos tecnolóxicos para o desenvolvemento do labor educativo.

Co "Programa educativo e accións de sensibilización para un consumo consciente e unha sociedade sustentable", esta ONG quere achegar información a nenos e nenas, para formar cidadáns responsables, e tamén crear foros de debate entre a sociedade adulta para reflexionar xuntos sobre as transformacións dos modos de consumo e produción.

Atopar información específica da asociación na súa páxina web www.covadaterra.org ou contactar con asociacion@covadaterra.org

Persoas destinatarias

• Alumnado e profesorado de educación primaria e secundaria de Galicia, con especial fincapé nos situados no medio rural, aproximadamente uns 700 beneficiarios directos de 100 centros educativos.

Obxectivos

1. Concienciar á sociedade en xeral, e en particular á comunidade educativa, sobre a necesidade dun consumo responsable e das alternativas de comercio respectuosas coa dignidade humana e a conservación do medio ambiente.

Actividades

• Reedición de material educativo para traballo nas aulas sobre comercio xusto e consumo responsable. Marzo - abril 2009.
• Elaboración dunha exposición sobre o café: a súa produción e comercialización e as consecuencias sociais e medioambientais. Febreiro - abril 2009.
• Realización de visitas aos centros educativos ofertando as intervencións educativas e os materiais que poñemos á súa disposición e formando ao profesorado no uso do material sobre comercio xusto e consumo responsable. Xaneiro - marzo 2009 e setembro - decembro 2009.
• Realización de intervencións educativas en centros de primaria e secundaria. Xaneiro - maio e outubro - decembro 2009.
• Realización dun ciclo de proxeccións-debate sobre temas ecolóxicos. Esta previsto que conste de 4 proxeccións cos correspondentes debates e información complementaria. Abril 2009.
• Realización dunha Xornada sobre Xestión Forestal Sustentable . Outubro 2009.
• Realización da "II Semana da Sustentabilidade". Está previsto realizar 4 intervencións en torno ao tema en 4 días continuados da mesma semana, en forma de charlas, proxeccións e debates. Novembro -2009.
• Difusión de exposicións propias e doutros colectivos en diferentes puntos da xeografía lucense e esporadicamente do resto de Galicia, entre entidades, locais, etc., que poidan estar interesados no obxectivo desta acción. Abril - decembro 2009.

O proxecto "Campaña Fomento Consumo Responsable. Non te consumas" de Solidariedade Internacional de Galicia pretende integrar o labor desta ONG de tres áreas de traballo: cooperación internacional, comercio xusto e educación para o desenvolvemento.

"Non te consumas" segue a liña comezada hai tres anos por coas campañas "Comercio Con-Sentido e Traballo decente para unha vida decente", incidindo na temática do consumo responsable. Toda a información sobre esta ONG pode ser consultada na súa páxina web www.solidaridadgalicia.org

Persoas destinatarias

• Alumnado e profesorado de primaria e secundaria e á sociedade galega en xeral.

Obxectivos

1. Reflexionar sobre o consumo de masas, fomentar un consumo responsable e dar a coñecer e afondar sobre a alternativa do comercio xusto na comunidade escolar e sociedade galegas.

Actividades

• Convocatoria dunha bolsa e selección dun equipo de monitores. Agosto - setembro 2009.
• Curso de formación entre o persoal preseleccionado para a creación da bolsa galega de monitores/as de SIG. Setembro 2009.
• Coordinación, avaliación e seguimento co equipo de monitoraxe. Setembro 2009 - febreiro 2010.
• Elaboración da proposta didáctica para o desenvolvemento dunha campaña educativa en 17 centros educativos galegos. Abril - xuño 2009.
• Elaboración de materiais de difusión. Abril - setembro 2009.
• Coordinación cos centros educativos. Setembro 2009 - abril 2010.
• Intervención educativa. Outubro - decembro 2009.
• Selección dos produtos resultado da proposta-acción e posprodución. Febreiro - marzo 2010.
• Elaboración programa de sensibilización a través das tendas de comercio xusto. Outubro 2009 - maio 2010.
• Creación de elementos de difusión e visualización da campaña. Xuño - decembro 2009.
• Coordinación e elaboración de materiais de difusión da visita internacional. Outubro -decembro 2009.
• Recollida de datos para elaboración dun estudo sobre as prácticas de consumo. Outubro 2009 - abril 2010.
• Elaboración dunha guía consumo responsable. Setembro - decembro 2009.
• Obras teatro "Non te consumas" de Xucrut Teatre. Abril 2010.
• Feira comercio xusto e agricultura ecolóxica. Marzo - abril 2010.
• Elaboración materiais de difusión para obras de teatro de feira. Xaneiro - marzo 2010.

Máis información contactando con sensibilizacion@solidaridadgalicia.org

Co proxecto "Olladas desde O Golfo de Fonseca, Centroamérica", Amigos da Terra pretende desenvolver accións no Golfo de Fonseca para mellorar a calidade de vida das familias de pescadores, e os seus ingresos dándolle valor agregado aos produtos mariños costeiros a través da mellora da calidade do produto e acurtar a cadea de comercialización, sempre desde un enfoque de sostibilidade ambiental, dando a ver a súa experiencia a outras ONGD e a sociedade en xeral. Amigos da Terra traballa en Galicia desde hai 10 anos desenvolvendo actividades nas áreas de cambio climático, residuos, conservación e usos da terra, consumo sustentable e cooperación para o desenvolvemento. Máis información desta ONGD e os seus proxectos na súa web www.amigosdaterra.net

Persoas destinatarias

• Administracións públicas, como impulsoras e difusoras da importancia da integración da perspectiva medioambiental na cooperación, enfocada neste caso cara a pesca artesanal con boas prácticas afíns co medio ambiente; polo menos 45 ONGD da Coordinadora Galega que realizan as súas actividades nalgunha das provincias de Galicia, confrarías de pescadores artesanais de Galicia, asociacións de veciños, centros escolares de bacharelato, centros culturais, etc.
• Sociedade en xeral que escoite a radio, lea a prensa ou vexa a Televisión de Galicia (TVG), así como o conxunto de beneficiarios das distintas ONGD de Galicia.

Obxectivos

1. Contribuír ao recoñecemento da prioridade ambiental como clave para mellorar as condicións de vida das comunidades empobrecidas.
2. Concienciar tres sectores da poboación galega (Administración, sociedade e ONGD) sobre a importancia da cooperación ambiental.

Actividades

• Planificación e visita da Asociación de Reporteiros Solidarios (AGARESO) ao Golfo de Fonseca para coñecer os proxectos que Amigos da Terra desenvolve en Cooperación ambiental. Xaneiro - setembro 2009.
• Montaxe e realización dunha exposición fotográfica nas catro provincias, a través de paneis explicativos onde se reflicten os compoñentes dos proxectos de cooperación ambiental desenvolvidos por Amigos da Terra. Outubro 2009 - xuño 2010.
• Realizar charlas conxuntamente con AGARESO para expoñer os proxectos a través das vivencias das comunidades do Golfo de Fonseca. Decembro 2009 - xuño 2010.
• Realización de entrevistas cos diferentes actores que participan nos proxectos de Amigos da Terra no Golfo de Fonseca. Setembro 2009.
• Realización e distribución dun documental audiovisual onde queden reflectidos os logros acadados grazas a cooperación ambiental. Outubro - decembro 2009.
• Realización dunha reportaxe para emitir na TVG. Outubro - decembro 2009.
• Elaboración e actualización dun blog na páxina de AGARESO, amosando entrevistas e fotografías da experiencia vivida nos proxectos. Novembro 2009 - xuño 2010.
• Elaboración de notas de prensa que se emitirán a 10 medios como mínimo. Setembro 2009 - xuño 2010.
• Divulgación radiofónica das entrevistas realizadas no terreo, relatando as vivencias dos reporteiros cas comunidades do Golfo de Fonseca. Novembro 2009 - xuño 2010.
• Realización e distribución dun pequeno manual de uso práctico das principais ferramentas para implementar a prioridade ambiental. Xullo - agosto 2009.
• Realizar unhas xornadas de presentación dos resultados dos proxectos e dos medios utilizados dirixidos a ONGD. Abril - maio 2010.
• Crear un documento cos resultados da mellora das condicións de vida das poboacións beneficiarias dos proxectos ambientais de Amigos da Terra. Xullo - agosto 2009.
• Realizar un informe comparativo sobre as diferenzas nos resultados conseguidos en proxectos con ou sen prioridade ambiental. Xullo - agosto 2009.

Máis información en info@amigosdaterra.net e http://agaresogolfodefonseca.blogspot.com

Ecos do Sur é unha ONGD, galega e independente, declarada entidade de utilidade pública no 2005. Os seus principais ámbitos de actuación son a inmigración, a cooperación internacional e a sensibilización.

Coa "Campaña de sensibilización sobre a cooperación no rural galego 2009: Crece Cooperando" busca aproximar a cooperación ao desenvolvemento, os seus valores e o coñecemento dos proxectos da Cooperación Galega aos centros escolares de ámbito rural que xeralmente quedan fóra do circuíto da sensibilización.

Máis información sobre a ONG e o seu proxecto na súa web www.ecosdosur.org

Persoas destinatarias

• Alumnado e profesorado de centros escolares de primaria (6 a 11 anos) e secundaria (12 a 15 anos) preferentemente do medio rural. Un total de 3000 alumnos/as e 140 docentes en 14 centros escolares.

Obxectivos

1. Concienciar ao estudantado de primaria e secundaria de Galicia sobre os valores e actitudes relacionados coa solidariedade, a xustiza social, o coñecemento das razóns da pobreza e medios de superación da mesma nos países menos desenvolvidos, da cooperación ao desenvolvemento e a procura de vías de acción para acadar un desenvolvemento humano e sostible.
2. Sensibilizar e informar ao alumnado sobre as causas da pobreza e as posibilidades reais de superación destas nos países máis desfavorecidos, difundir os obxectivos de desenvolvemento do Milenio e o comercio xusto e consumo responsable.
3. Fortalecer valores e actitudes entre os escolares que fomenten a idea da responsabilidade individual nos cambios que se deben realizar para a obtención dun mundo mais xusto. Coñecemento das distintas posibilidades de participación en entidades da sociedade civil, de solidariedade e de compromiso cara un consumo responsable.
4. Facilitar entre a poboación escolar a comprensión das relacións que existen entre as nosas propias vidas e as doutras persoas do mundo.
5. Formar ao profesorado dos centros escolares beneficiarios nas pautas da educación para o desenvolvemento, proporcionándolles recursos e materiais para que os poidan empregar na súa docencia diaria co seu alumnado.

Actividades

• Exposición dos conceptos básicos de cooperación e desenvolvemento e obxectivos do milenio, a través da exposición da realidade nunha serie de países africanos, latinoamericanos e asiáticos, con especial fincapé na vida das persoas máis novas de ditos países (50 minutos). Setembro 2009.
• Exposición do traballo realizado pola Cooperación Galega nos distintos países tratados na exposición, con especial fincapé no traballo realizado respecto á mellora das condicións de vida dos nenos e nenas de ditos países. Outubro 2009.
• Participación en distintos xogos e dinámicas de grupo orixinarios dos países que se expuxeron en anteriores visitas na aula. Novembro 2009.
• Tres sesións formativas de 50 minutos dirixidas ao profesorado. Setembro - novembro 2009.

Contacto con Ecos do Sur: ong@ecosdosur.org